២. នំខ្មោច និងប្រវត្តិ
នំខ្មោច គឺនំដែលធ្វើអំពីម្សៅអង្ករយកទៅដុត ទុកជានំតំណាងឲ្យខ្មោចជីដូនជីតា និងអ្នកតាថែរក្សាទឹកដី។ លោកតា ឆែត បានមានប្រសាសន៍អំពីប្រវត្តិនំខ្មោចថា ៖
ថ្ងៃមួយមានស្ត្រីម្នាក់ឈឺ។ ញាតិមិត្ត បងប្អូន ខិតខំរកថ្នាំមកព្យាបាលក៏មិនជា។ ប្រការនេះធ្វើឲ្យគេភ័យស្លន់ស្លោយ៉ាងខ្លាំង។ ក្រោយមកអ្នកជំងឺទារស៊ីនំម្សៅដុត។ បន្ទាប់មកពួកគេក៏នាំគ្នាធ្វើនំម្សៅដុតវិចនឹងស្លឹកចាកឲ្យស្ត្រីនោះស៊ី។ ក្រោយពីអ្នកជំងឺនោះស៊ីរួចជំងឺក៏ជាសះស្បើយ។ ខណៈនេះហើយ ទើបអ្នកស្រុកនោះនាំគ្នាសន្មត់ថា នាងត្រូវខ្មោចព្រាយបិសាចធ្វើ ទើបស៊ីនំនេះ។ ក្រោយមកទៀតពេលមានអ្នកជំងឺឈឺម្តងៗ គេតែងតែធ្វើនំនេះថ្វាយអ្នកតា ឬខ្មោចជីដូនជីតាទើបជា៕


